ಗಂಡ - ಹೆಣ್ಣ್ ಜಗಳ....

`ಏ ಪುಟ್ಟಾ, ಮರ್ಯಾದೇಲಿ ಕುದ್ದ್ಕಂಡ್ ಓದು... ಇಲ್ಲರೆ ನಿನ್ನ ಅಪ್ಪನಂಗೆ ಆಗಿಬಿಟ್ಟಿಯಾ...'

`ಎಂಥದ್ನೆ ನೀ ಮಾತಾಡ್ದು...ಮಂಙನ ಮುಂದೆ ನನ್ನ ಮಾನ ತೆಗಿತ್ತೊಳಲಾ...ನಾ ಈಗ ಎಂಥ ಮಾಡ್ಯೊಳೆತಾ...?' 

`ಅದೇ...ನಾ ಮಾತಾಡಿದ್ರೆ ನಿಮ್ಮ ಮಾನ ಹೋದೆ.... ನಾ ತಲೆ ಎತ್ತಿಕಂಡ್ ತಿರುಗಾಡ್ವಂಗೆ ನೀವು ನಂಗೆ ಎಂಥಾರ್ ಮಾಡಿ ಕೊಟ್ಟೊಳರಿಯಾ...?'

`ಪುಟ್ಟಾ... ಆ ಪುಸ್ತಕ ಬಿಸಾಕಿ ಇಲ್ಲಿ ಬಾ. ನಿನ್ನ ಅಮ್ಮಂಗೆ ಹೇಳ್, ಬಾಯಿ ಮುಚ್ಚಿಕಂಡ್ ಬಿದ್ದಿರಿಕೆ...ಇಲ್ಲಂದ್ರೆ ಚೀಪೆಲೇ ಹೊಡ್ದು ಸಾಯಿಸಿ ಬಿಟ್ಟನೆ....'

`ಹುಂ ಸಾಯಿಸಿಯರಿ....ಅದೊಂದು ಬಾಕಿ ಇತ್ ನಿಮಿಗೆ...ನೆಂಟರ್ ಬಂದ್ರೆ ಕೋಳಿ ಕೊಲ್ಲಿಕೆ ನಿಮ್ಮ ಅಣ್ಣನ ಮಂಙ ಗಣಿ ಬರೋಕು...ಇನ್ನ್ ನನ್ನ ಸಾಯಿಸಿವೆ ಗಡ...'

`ನೋಡ್... ನೀ ಜಾಸ್ತಿ ಮಾತಾಡ್ಬಡ...ನಂಗೆ ಪಿತ್ತ ನೆತ್ತಿಗೇರ್ದೆ...'

`ಪಿತ್ತ ನೆತ್ತಿಗೇರಿರೆ ಕಹಿಹುಳಿ ಜ್ಯೂಸ್ ಮಾಡಿ ಕುಡಿಯನಿ...ಕಾಳಪ್ಪನ ಮನೆ ಹಿಂದೆ ಹೋಗಿ ಆ ಎನ್ಎಸ್ ಸುರ್ಕಂಬೊದಲ್ಲಾ...'

`ಹೌದು....ನಾ ಎನ್ಎಸ್ ಆದ್ರೂ ಕುಡ್ದನೆ, ಭತ್ತ ಸಾರಾಯಿ ಆದ್ರೂ ಕುಡ್ದನೆ.. ನಿನ್ನ ಅಪ್ಪ ದುಡ್ಡು ಕೊಟ್ಟದೆನಾ ?'

`ನನ್ನ ಅಪ್ಪನ ವಿಷಯ ಮಾತಾಡ್ಬೇಡಿ....ಮದುವೆ ಆಕಾಕನ ಪೆಟ್ಟಿಗೆಗೆ ಸಾವಿರದ ಒಂದು ರೂಪಾಯಿ ಹಾಕಿತ್ಲೆನಾ? ಅದ್ನ ಏನು ಮಾಡ್ದರಿ? ನೀವು ನುಂಗಿ ನೀರು ಕುಡ್ತಲೆನಾ?' 

`ಓಹೋ... ಅದು ದೊಡ್ಡ ವಿಷಯನಾ ? ಸಾವಿರದ ಒಂದು ರೂಪಾಯಿ ಮತ್ತೆ ನಾಲ್ಕು ಸೀರೆ ಪೆಟ್ಟಿ ಒಳಗೆ ಹಾಕಿಬಿಟ್ಟರೆ ಸಾಕಾ ?'

`ನನ್ನ ಅಪ್ಪ ಅಷ್ಟಾದ್ರೂ ಹಾಕ್ಯೊಳೊ... ಮದುವೆ ಆದ್ಮೇಲೆ ನೀವು ನಂಗೆ ಒಂದಾದ್ರೂ ಸೀರೆ ತೆಗ್ದುಕೊಟ್ಟೊಳರಿಯಾ?' 

`ಮತ್ತೆ ಕೊಟ್ಟತ್ಲೆನಾ ? ಕಳ್ದ ವರ್ಷ ಚೇರಂಗಾಲ ಹಬ್ಬಕ್ಕೆ ಮಡಿಕೇರಿ ಸಂತೆಲಿ ನಿನ್ನ ಅಪ್ಪ ತೆಗ್ದು ಕೊಟ್ಟದಾ ?'

`ಹೌದೌದು... ಎಷ್ಟು ಒಳ್ಳೆ ಸೀರೆ ಅದ್....ಮಸಿ ಬಟ್ಟೆ ಮಾಡಿಕೆನೂ ಆಗ್ತಿಲ್ಲೆ....'

`ನೋಡ್ ನಂಗೆ ಸುಮ್ನೆ ಸಿಟ್ಟ್ ಬರ್ಸ್ ಬೇಡ... ಒಲೇಲಿ ಇಟ್ಟ ಅನ್ನ ಏನಾತ್ ನೋಡು ಕರಿ ಕರಿ ವಾಸನೆ ಬರ್ತುಟ್ಟು... ಏ ಪುಟ್ಟಾ, ಇಲ್ಲಿ ಬಾ...'

`ಪುಟ್ಟ ಯಾಕೆ ಈಗ ? ಅಂವ ಅಲ್ಲಿ ಓದಿಕಣ್ಲಿ... ಇಲ್ಲಿ ನಾ ಇಲ್ಲೆನಾ ? ಎಂಥಕೆ ಅಂವ..'

`ಏನಿಲ್ಲೆ... ಒಂದು ಗ್ಲಾಸ್ ಕಾಫಿ ಬೇಕಿತ್ತ್...'

`ಅಷ್ಟೆ ತಾನೇ... ನಾ ತಂದು ಕೊಟ್ಟನೆ...'

`ಅಬ್ಬಾ....ದೊಡ್ಡ ಮಳೆ ಬಂದ್ ನಿಂತಂಗೆ ಆತ್....' 

- `ಸುಮಾ'