ಎತ್ತು ಏರಿಗೆ, ಕೋಣ ನೀರಿಗೆ...

`ತುಂಬಾ ಇನ್ನೋಸೆಂಟ್ನಂಗೆ ಇದ್ದವೆಯಲ್ಲಾ ಅವ್ರನ್ನ ನಂಬಿಕೆ ಆದ್...' ಮೆಟ್ರೋ ರೈಲ್ಲಿ ಕುದ್ದ್ಕಂಡ್ ಸುಮಂತ್ನ ಕೈಯೊಳಗೆ ಕೈ ಇಟ್ಟ್ಕಂಡ್ ಸೌಮ್ಯಾ ಹೇಳ್ತಿತ್...ಸುಮಂತ್ ಮಾತ್ರ ಕೇಳಿಯೂ ಕೇಳದಂಗೆ ಎದುರುಬದಿ ಕಿಟಕಿಲಿ ಹಿಂದಕ್ಕೆ ಓಡಿ ಹೋಗ್ತಿರ್ವ ದೊಡ್ಡ ದೊಡ್ಡ ಕಟ್ಟಡಗಳ್ನ ನೋಡ್ತಾ ಕುದ್ದ್ಕಂಡಿತ್ತ್. ಆದ್ರೆ ಸೌಮ್ಯಾ ಮಾತು ನಿಲ್ಲಿಸುವಂಗೆ ಕಾಣ್ತಿತ್ಲೆ... `ಆ ಗಾನಾ ಉಟ್ಟಲ್ಲಾ, ನೋಡಿಕೆ ಎಷ್ಟು ಸೈಲೆಂಟ್ ಗೊತ್ತಾ...' ಮೆಟ್ರೋ ರೈಲ್ ರಿಚ್ಮಂಡ್ ಸ್ಟೇಷನ್ಲಿ ನಿಂತಿತ್ತ್. 10 ಜನ ಇಳ್ದ್ ಒಂದೈದ್ ಜನ ಹತ್ತಿದೋ...ಭಾನುವಾರ ಆಗಿದ್ದ್ರಿಂದ, ಕೆಲ್ಸಕ್ಕೆತಾ ಹೇಳಿ ಮೆಟ್ರೋಕ್ಕೆ ಹತ್ತುವು ಯಾರೂ ಇತ್ಲೆ. ಎಲ್ಲವೂ ಒಂಥರ ಪಿಕ್ನಿಕ್ಗೆ ಬಂದಂಗೆ ಮೆಟ್ರೋಲಿ ಎಂಜಾಯ್ ಮಾಡ್ತಿದ್ದೊ. ಎದ್ರು ಸೀಟ್ಲಿ ಲವರ್ ಜೊತೆ ಕುದ್ದಿದ್ದಂವ ಹೆಂಗಾರೂ ಮಾಡಿ ತಮ್ಮಿಬ್ಬರ ಫೋಟೋ ತೆಗೆಯುಕೂತಾ ಕೆಮರಾನಾ ಉಲ್ಟಾಪಲ್ಟಾ ಹಿಡ್ಕಂಡ್ ಸರ್ಕಸ್ ಮಾಡ್ತಿತ್. ಇದ್ನ ನೋಡಿ, ಸುಮಂತ್ಗೆ ನಗು... ಈ ನಗು ನೋಡಿ ಸೌಮ್ಯಂಗೆ ಸಿಟ್ಟ್ ಬಾತ್, `ಹೌದು...ನಾ ಎಂಥ ಹೇಳಿರೂ ನಿಂಗೆ ನಗು...ಗಾನನ ವಿಷ್ಯನಾ ಸೀರಿಯಸ್ ಆಗಿ ಹೇಳ್ತೊಳೆ ಮಾರಾಯ...' ಸುಮಂತ್ ಸೌಮ್ಯಾನ ಸಮಾಧಾನ ಮಾಡಿಕೆ ನೋಡ್ತ್...`ಹೇ ಚಿನ್ನು....ನಾ ಅದ್ಕಲ್ಲ ನಗಾಡ್ದ್... ಅಲ್ಲಿ ಕುದ್ದುಟ್ಟಲ್ಲಾ ಅಂವ ನೋಡು, ಫೋಟೋ ತೆಗೆಯಕ್ಕೆ ಹೆಂಗೆ ಪರ್ದಾಡ್ತುಟ್ಟುತಾ... ಅದ್ನ ನೋಡಿ ನಗು ಬಾತ್..' ಸುಮಂತ್, ಸೌಮ್ಯಾನ ಕರೆಯುದೇ ಹಂಗೇ...ಚಿನ್ನುತಾ. ಸೌಮ್ಯಾಂಗೂ ಅದ್ನ ಕೇಳಿಕೆ ಖುಷಿ. ಸೌಮ್ಯಾ ಮತ್ತೆ ಶುರುಮಾಡ್ತ್... `ಆ ಗಾನಾ ಉಟ್ಟಲ್ಲಾ, ಅವ್ಳು ನಿನ್ನೆ ಆಫೀಸ್ಗೆ ಜೀನ್ಸ್ ಹಾಕ್ಕಂಡ್ ಬಂದಿತ್ತ್...' ಆದ್ರೆ ಸುಮಂತ್ ಇದ್ನೆಲ್ಲಾ ಕೆಳ್ವ ಮೂಡ್ಲಿ ಇತ್ಲೆ. ಮೊದ್ಲ ಸಲ ಮೆಟ್ರೋ ಹತ್ತಿದ್ದ್ರಿಂದ, ಅದ್ರ ಖುಷೀಲೇ ಇತ್....ಸೌಮ್ಯ ಮಾತ್ರ ಗಾನಾ ವಿಷ್ಯನ ನಿಲ್ಲಿಸುವಂಗೆನೇ ಕಾಣ್ತಿತ್ಲೆ... ಈ ಗೂಡೆಗಳೇ ಹಂಗೆ, ಎದುರಿಗೆ ಇರವು ಕೇಳೊಕುತಾ ಏನೂ ಇಲ್ಲೆ, ಕಲ್ಲುಬಂಡೆ ಇದ್ದರೂ ಮಾತಾಡೋಕುತಾ ಅನ್ನಿಸಿದ್ದನ್ನ ಹೇಳ್ತನೇ ಇದ್ದವೆ. ಸುಮಂತ್ನಂತವು ಅದ್ನ ಒಂದು ಕಿವೀಲಿ ಕೇಳಿ ಮತ್ತೊಂದು ಕಿವೀಲಿ ಬಿಡ್ತನೇ ಇದ್ದವೆ. ಸೌಮ್ಯಾನೂ ಗೂಡೆ ತಾನೆ... `ಆ ಗಾನಾ, ಅವ್ಳ ಹತ್ರ ಮಾತ್ರ ಜೀನ್ಸ್ ಇರ್ವಂಗೆ ಆಡ್ತಿತ್ ಗೊತ್ತಾ....' ಮುಂದಿನ ನಿಲ್ದಾಣ ಬೈಯ್ಯಪ್ಪನಹಳ್ಳಿ...ತಾ ಸ್ಕ್ರೀನ್ ಮೇಲೆ ಬರ್ತಿದ್ದದ್ದನ್ನ ಹಂಗೆನೇ ನೋಡಿಕಂಡ್ ಕುದ್ದಿತ್ ಸುಮಂತ್ ! `ಏನ್ತಾರೂ ಮಾತಾಡ್ರಾ, ನೀನೇನು ಮೂಗನಾ...' ಸೌಮ್ಯಾನ ಪ್ರಶ್ನೆ. ಅದ್ಕೆ ಅಷ್ಟೇ ಕೂಲಾಗಿ ಸುಮಂತ್ ಉತ್ತರ, `ಎದ್ದೇಳ್ ಬೇಗ...ಬೈಯ್ಯಪ್ಪನಹಳ್ಳಿ ಬಾತ್.' ಅಂದ್ಹಂಗೆ ಇವಿಬ್ರೂ ಮುಂದಿನ ತಿಂಗ ಮದುವೆ ಆಗ್ತೊಳೊ...ಗೋವಿಂದ, ಗೋವಿಂದಾ...!!!

- 'ಸುಮಾ'

arebhase@gmail.com