`ಓ ಡಾಗ್ ಸೇವ್ ಮಿ !'

ನಮ್ಮ ಲಾಯರ್ ಸಾಹೇಬ ಆಗ ಪಿಯುಸಿ ಓದ್ತಿತ್... ಅದ್ ಮುಖದ್ಮೇಲೆ ಚಿಗುರು ಮೀಸೆ ಕಾಣಿಸಿಕೊಳ್ವ ಟೈಂ. ಹರೆಯದ ಕತ್ತೆ ಎದ್ರಿಗೆ ಬಂದ್ರುನೂ `ಆಹಾ ಎಷ್ಟ್ ಪೊರ್ಲು' ತಾ ಅನ್ಸೋ ಕಾಲ ! ಹಂಗಿರ್ಕನ ನಮ್ಮ ಈ ಚೋಮುಣಿ ಲಾಯರ್ ಲವ್ವ್ಲಿ ಬಿದ್ದ್ಬಿಡ್ತ್. ಇವನೋ ಇದ್ದದ್ ಬರೀ ಮೂರೂವರೆ ಅಡಿ. ಒನ್ವೇ ಲವ್ನ ಆ ಹೀರೋಯಿನ್ದ್ ಐದೂವರೆ ಅಡಿ ಎತ್ತರ. ಮಿಲಿಟ್ರಿಂದ ರಿಟೈರ್ಡ್ ಆಗಿದ್ದ ಅಪ್ಪನ ದಪ್ಪ ಸೋಲ್ನ ಶೂ ಹಾಕ್ಕಂಡ್ ಬಂದ್ರೂ, ಚೋಮುಣಿ ಅವ್ಳ ಹೆಗ್ಲಿಗೂ ಬಾತಿತ್ಲೆ ! ಆದ್ರೂ `ಪ್ರೀತಿ ಕುರುಡು' ತಾನೆ... ನಮ್ಮ ಹೀರೋ ಗೂಡೆಗೆ ಕಾಳ್ ಹಾಕಿಕೆ ಶುರು ಮಾಡ್ತ್... ಅವ್ಳೋ ಬಿಂಕದ ಸಿಂಗಾರಿ ! ಚೋಮುಣಿ ತಂದ್ ಕೊಟ್ಟ ಕಿತ್ತಳೆಂದ ಕ್ಯಾಡ್ಬರೀಸ್ ವರೆಗೆ ಎಲ್ಲನೂ ಖುಷೀಲೇ ತಕ್ಕಣ್ತಿತ್. 
ದಾಯನ ರಾಮಕೃಷ್ಣ ಮಾಸ್ಟ್ರು ಇಂಗ್ಲೀಷ್ ಗ್ರ್ಯಾಮರ್ ಹೇಳಿಕೊಡ್ತಿದ್ರೆ, ಚೋಮುಣಿ ಅವ್ನ ಗೂಡೆನ ಗ್ಲ್ಯಾಮರ್ ಲೆಕ್ಕಹಾಕ್ತಿತ್ತ್. ಇಂಥ ಚೋಮುಣಿ ಒಂದ್ ದಿನ ಧೈರ್ಯ ಮಾಡಿ ಲವ್ಲೆಟರ್ ಬರ್ದೇ ಬಿಡ್ತ್ ! ಗೂಡೆನ ಇಂಪ್ರೆಸ್ ಮಾಡಕಾಗಿದ್ದ ಮೊದಲ ಸಾಲ್ಲೇ ತಪ್ಪು ! `ಓ ಗಾಡ್ ಸೇವ್ ಮಿ' ತಾ ಬರೆಯೋಕೆ ಹೋಗಿ ಸ್ಪೆಲ್ಲಿಂಗ್ ಆಚೀಚೆ ಆಗಿಬುಟ್ಟ್, `ಓ ಡಾಗ್ ಸೇವ್ ಮಿ'ತಾ ಆಗಿಬಿಡೋಕ. ಹೇಳಿ ಕೇಳಿ ಚೋಮುಣಿ ಲವ್ ಮಾಡ್ತಿದ್ದ ಗೂಡೆ ಇಂಗ್ಲಿಷ್ಲಿ 50 ಮಾಕ್ಸರ್್ ತೆಗೀತ್ತಿದ್ದವ್ಳು. (ಅವ್ಳೇ ಫಸ್ಟ್, ಉಳ್ದವ್ರ ಮಾಕ್ಸರ್್ ಹೇಳುದು ಸ್ವಲ್ಪ ಕಷ್ಟ ಆದೆ) ಇಂಥದ್ರಲಿ ಅವ್ಳಿಗೆನೇ ತಪ್ಪು ತಪ್ಪು ಇಂಗ್ಲಿಷ್ಲಿ ಲವ್ ಲೆಟರ್ ಬರ್ದ್ರೆ ಹೆಂಗಾದುಲ್ಲೇ ಹೇಳಿ...
ಚೋಮುಣಿ ಬರ್ದ ಲವ್ ಲೆಟರ್ನ, ಆ ಸಿಂಗಾರಿ ತಕ್ಕಂಡ್ ಹೋಗಿ ಸೀದಾ ಇಂಗ್ಲೀಷ್ ಲೆಕ್ಚರರ್ಗೆ ಕೊಟ್ಟತ್. ಪಿಯುಸಿ ಹೈದನೇ ಲವ್ ಲೆಟರ್ ಬರೆಯೋ ಲೆವೆಲ್ಗೆ ಬಾತಲ್ಲಾತ ಅವ್ಕೆ ಬೇಸರ ಆತ್ಲೆ. ಆ ಲೆಟರ್ಲಿ ಇದ್ದ `ಭಯಂಕರ ಇಂಗ್ಲಿಷ್' ನೋಡಿ ಸಿಟ್ಟ್ಬಾತ್. ಎರಡ್ ವರ್ಷಂದ ಬಾಯಿಬಡ್ಕಂಡ್ ಪಾಠ ಮಾಡಿರೂ ಮಕ್ಕ ಉದ್ಧಾರ ಆತ್ಲೆತೇಳಿರೆ, ಯಾವ ಮಾಸ್ಟ್ರಿಗೆ ಸಿಟ್ಟು ಬಾದುಲೆ ? ಒಂದ್ ಕೈಲಿ ಚೋಮುಣಿನ ಲವ್ ಲೆಟರ್ ಮತ್ತೊಂದು ಕೈಲಿ ಕೋಪಟ್ಟಿ ಬೆಟ್ಟಂದ ಕಡ್ಕಂಡ್ ಬಂದಿದ್ದ ನಾಗರಬೆತ್ತ ಹಿಡ್ಕಂಡ್ ರಾಮಕೃಷ್ಣ ಮಾಸ್ಟ್ರ್ ಕ್ಲಾಸ್ ರೂಂ ಕಡೆ ಬಿರುಗಾಳಿ ಹಂಗೆ ಹೊರಟೊ.
ಪಾಪ ಚೋಮುಣಿ, ಅವಂಗೆ ಇದ್ಯಾವುದೂ ಗೊತ್ತಿತ್ಲೆ. ಒಂದ್ ಲವ್ ಲೆಟರ್ ಕೊಟ್ಟಾದ್ಮೇಲೆ, ಸ್ವಲ್ಪ ಧೈರ್ಯ ಬಂದಿತ್ತಲ್ಲಾ... ಇನ್ನೊಂದ್ನ `ಕೆತ್ತ್'ಕಂಡ್ ಕೂತಿತ್ತ್. ಇಲ್ಲೂ ಅದೇ ಮೊದ್ಲ ಲೈನ್ `ಓ ಗಾಡ್ ಸೇವ್ ಮಿ...' ಈಗ ಸ್ಪೆಲ್ಲಿಂಗ್ ಸರಿಯಾಗಿತ್. ಹೌದು, ಇಂಗ್ಲೀಷ್ ಮಾಸ್ಟ್ರ ರೌದ್ರಾವತಾರಂದ ದೇವ್ರೇ ಕಾಪಾಡಕಾಗಿತ್ತ್. ಕ್ಲಾಸ್ರೂಂನೊಳಗೆ ಮೊದ್ಲು ಬೆತ್ತ ಕಾಣ್ಸಿಕಂಡ್, ಮತ್ತೆ ಮಾಸ್ಟರ್ ಕಾಲಿಟ್ಟೊ... ಒಳಗೆ ಬಂದ ಕೂಡ್ಲೇ, ಬಗ್ಗಿಕಂಡ್ ಇನ್ನೊಂದು ಲವ್ಲೆಟರ್ ಬರೀತಿದ್ದ ಚೋಮುಣಿನ ಇನ್ನಷ್ಟ್ ಬಗ್ಗಿಸಿ ಬೆನ್ನು ಮೇಲೆ ರಪ...ರಪ..ತಾ ಹೊಡೆಯಕೆ ಶುರು ಮಾಡ್ದೋ. ಚೋಮುಣಿ ಎದ್ದ್ ಓಡದೇ ಇದ್ದಿದ್ದ್ರೆ, ಅವ್ನ ಬೆನ್ನು ಮುರೀತಿತ್ತಾ ಇಲ್ಲ ಕೋಲು ಮುರೀತಿತ್ತಾತ ಗೊತ್ಲೆ. ಅಷ್ಟು ಹೊತ್ತಿಗೆ ಮಾಸ್ಟ್ರ ಸಿಟ್ಟ್ ಇಳ್ದಿತ್ತ್..`ಲವ್ ಲೆಟರ್ ಬರೀತಾನಂತೆ ಲವ್ ಲೆಟರ್... ಅದೂ ಇಂಗ್ಲೀಷ್ಲಿ... ಮೊದ್ಲು ಅವ್ನಿಗೆ ಎ ಬಿ ಸಿ ಡಿ ಸರಿಯಾಗಿ ಕಲಿಯೋಕೆ ಹೇಳಿ' ತಾ ಹೇಳಿ ಬಂದ ಸ್ಪೀಡ್ಲೇ ಮಾಸ್ಟ್ರ್ ಸ್ಟಾಪ್ ರೂಂಗೆ ವಾಪಸ್ ಹೋದೊ.
  ಚೋಮುಣಿ ಈಗ ಲಾಯರ್ ! ಕೋಟರ್್ಲಿ ಅಂವನ ಆಗ್ಯರ್ೂಮೆಂಟ್ ನಡೆಯೋದೆಲ್ಲಾ ಇಂಗ್ಲಿಷ್ಲೇ... ಈಗ ಹೇಳಿ, ಓದ್ತಿರ್ಕಾಕಕನ ಲವ್ಲೆಟರ್ ಬರೆಯೋದು ತಪ್ಪಾ? ಸರೀನಾ?

- `ಸುಮಾ' 
arebhase@gmail.com