ಹುಣ್ಣಿಮೆ ಆಕಾಶಹಾಲು ಚೆಲ್ಲಿದಂಗೆ
ತಿಂಗಳ ಬೆಳಕು
ಮೈ ನಡುಗಿಸ್ವ
ಮಾಗಿಯ ಚಳಿ
ಚಿಕ್ಕ ಮಕ್ಕಳ ಕೈಲಿ
ಸುರು ಸುರು ಬತ್ತಿ
ಸಗಣಿ ರಂಗೋಲಿ ಮೇಲೆ
ಗಿರಗಿರ ನೆಲಚಕ್ರ
ದೂರದ ದೊಡ್ಡವ್ರ ಮನೇಂದ
ಕಾಣ್ವ ಹೂಚೆಟ್ಟಿ
ಕಿವಿ ಒಡ್ದು ಹೋಗೋ ಹಂಗೆ
ಗರ್ನಲ್ ಶಬ್ಧ
ಒಂದು ಹೊಟ್ಟಿ ಮತ್ತೊಂದು ಹೊಡೆಯದ
ಠುಸ್ ಪಟಾಕಿಗಳ ಕಾರ್ಬಾರ್
ಅಕ್ಕಿ ಪಾಯಸ..
ಅದ್ರೊಳಗೆ ಕಲ್ಲು, ಭತ್ತ, ದುಡ್ಡು!
ಅಮ್ಮ ಮಾಡ್ದ ರುಚಿ ರುಚಿ ತಿಂಡಿ
ತಂಬಿಟ್ಟು, ತುಪ್ಪ !
ಗದ್ದೆ ಕಡೇಂದ
ಪೊಲಿ ಪೊಲಿಯೇ ಬಾ...
- `ಸುಮಾ'
ನೀವೂ ಬರೆಯನಿ....
No comments:
Post a Comment